محمد السيد كاتب عن microsoft surface , المهم بداية الموضوع فلاش باك و بيفتكر .
I Remember these days when I was holding my mouse for the first time and it really shacked me as it was a new thing to deal with.


بيفتكر اول مرة مسك فيها الماوس, كلنا فى الغالب فاكريين اللحظة دى. (انبهار, خوف, جهل) -> تجربة جديدة.

انا فاكر اول مرة دخلت فيها سيبر – كنت تقريبا عندى 13 سنة, مكنتش لسة اتعاملت مع الكمبيوتر كجهاز مفيد بخلاف انى كنت بروح المكتبة من و انا فى ابتدائى و كانوا هناك بيخولنا نلعب عليه, عرفت الكمبيوتر كجهاز مفيد من القرائة عنه فى مجلة لغة العصر الى كنت بداوم على شرائها كل شهر, كنت حافظ اسم كام موقع من الى شفتهم فى مجلة لغة العصر و عايز ادخل اشوفهم, لمة دخلت السيبر جت البنت الى شغالة هناك قالتلى حفتحلك الياهو, مسكت الماوس و حركته و ضغطت على حاجة و اتفتحت نافذة مكتوب فيها Yahoo بالبنط العريض, هى مشت خلاص, بس انا مكنتش عايز افتح الياهو (اعتقد دة سبب انى قعدت سنيين بحاول اتجنب استخدام اى خدمة بيقدمها الياهو – عشان كل الناس بتستخدمه), فحاولت اقفله, فعلامة X فى اعلى النافذة كانت ملفتة للنظر جدا و معبرة, فضغطت عليها , فاتقفلت النافذة.

حاولت اعرف ازاى بتفتح تانى , ففشلت, ندهتها تانى عشان تفتحه, بس المرادى لاحظت هى ضغطت على ايه :) .

عرفت المكان الى المفروض يتكتب فيه عنوان الموقع الى عايز اشوفه, بدأت اكتبه , ظهرت مشكلة , فين الـ dot ؟؟! دورت و دورت بس ملقتهاش !!
كان على الجهاز المجاور شاب قاعد و معاه ولد و بنت غالبا فى اعدادى بيديهم دورة كمبيوتر, كان ساعتها بيشرحلهم ازاى يعدلوا الساعة (موضوع ممل), قالى بتدور على حاجة ؟؟ قلتله بكل ثقة فين الـ dot ؟؟ قام شاورلى عليها و اتحلت المشكلة العويصة.

تقريبا دة من اغبى الأسئلة الى سئلتها فى حياتى بس مش مشكلة, فى البداية الواحد بيسأل اسئلة تبدوا غبية لبعض الناس, إذا الناس قابلوا السؤال دة برد وحش او استخفاف, السائل حيحس بأحباط شديد, و الى جاوبه حيبقى كل الى عمله انه منع العلم و منع شخص من انه يتعلم و يمكن كان حيبقى شخص مميز بعد كدة فى المجال دة.

احنا مش من اول نظرة على الكمبيوتر فهمنا كل حاجة و المعلومات كلها دخلت عقلنا, ولا احنا طلعنا كتب و مراجع متقدمة عشان نتعلم ازاى كل حاجة بتتعمل, كنا نشطيين فى وقت و كسالى فى وقت تانى, حجات فهمناها بالتخميين, و حجات واضحة وضوح الشمس و مقدرناش نفهمها من غير مساعدة.

يبقى منقعدش نقول على كل الناس اغبية, ولا انهم كسالى, و مش عشان نجاوبهم عن سؤال نقولهم اقروا كتاب Y المكون من 1000 صفحة عشان تفهموا الأجابة, فى ناس من طريقة سؤالها بتعرف ان همة متحمسين للمعرفة , مش مجرد مثلا مجبر انه يعمل الحاجة دى فعايز حد يساعده.

مثلا فى الفريق العربى فى مشكلة مع الطلبة الى عايزين حد يعملهم المشاريع الدراسية, ممكن الناس دول مجال دراستهم دة مش بيحبوه بس لقوا نفسهم فيه, انا المشروع بتاعى كان عن الألكترونيات, انا كنت مهتم بالبرمجة اكتر من الألكترونيات, فعمل المشروع كان شئ ممل و مكنش حيخلص اساسا من غير مساعدة من والدتى فى كتابته إن شاء الله, يمكن اللى كان مخللى الملل زايد هو ان الشعبة كلها كاتبة نفس المشروع بالحرف الواحد , الى كنا ناقلينه من الكتاب بتاع دكتور المادة الى كام واحد مننا اشتروه, على فكرة انا اخدت امتياز فى مادة المشروع رغم ان دكتور المادة بيتخنق منى ( كنت يسأل اسئلة بتتضارب مع محتوى المنهج الدراسى) .

—————–

الصورة دى شفتها من فترة على EgLUG.org , معنديش معلومات عن مدى معرفة الراجل الكبير الى فى الصورة بالكمبيوتر, لكن الواضح انه بيتعلم

العلم مش محدود بسن معين.

No related posts.